3. Central Coordination Committee 

(1) Sawrkar Laipui chuan hriattirna thuchhuah siamin he Dan anga thuneihna a pekte hmang tur leh a hna tukte thawk turin Central Coordination Committee a din ang.


(2) Central Coordination Committee-ah chuan heng a hnuaia mite hi an tel ang:-
(a) Central Sawrkara Welfare Department Minister ni lai mek chu Chairperson (ex-officio) a ni ang.
(b) Central Sawrkara Welfare Department Minister of State nilai mek chu Vice Chairperson (ex-officio) a ni ang.
(c) India Sawrkara Welfare, Education, Women & Child Development, Expenditure, Personnel Trainning and Public Grievances, Health, Rural Development, Industrial Development, Urban Affairs and Employment, Science and Technology, Legal Affaires, Public Enterprises Department te a mawhphurna chelhtu Secretary te chu Members (ex-officio) an ni ang.
(d) Chief Commisioner chu, Member (ex-officio) a ni ang.
(e) Railway Board Chairman, Member (ex-officio) a ni ang.
(f) Labour Employment and Training Director General chu, Member (ex-officio) a ni ang.
(g) N.C.E.R.T Director, Member (ex-officio);
(h) MP 3 Lak Sabha atanga thlan 2 leh Rajya Sabha atanga thlan 1 te chu members an ni ang.
(i) Sawrkar Laipuiina aiawh tlaka a ngaih mi 3 a ruatte chu Members an ni ang.
(j) Heng a hnuaia Director te:
(i) National Institute for the Visually Handicapped, Dehradun
(ii) National Institute for the Mentally Handicapped, Secundrabad
(iii) National Institute for the Orthopaedically Handicapped, Calcutta.
(iv) Ali Yavar Jung National Institute for the Hearing Handicapped, Bombay, (ex-officio) members an ni ang.

(k) Sawrkar Laipuiin a kawhhmuh ang zela State leh Union Territory te aiawh turin Sawrkar Laipuiin member 4 a inchhawka (rotation) a a ruat te;
    He clause ah hian State Sawrkarin a rawnna ang anih chauh loh chuan ruat tur a ni lo emaw, a dinhmun a zirin Union Territory ah pawh.

(l) Sawrkar enkawl nilo rualbanlote nena inkaihhnawih pawlte aiawh turin Sawrkar Laipuiin rualbanlohna chikhat atangin mi pakhat zel lain, a theih ang chin chin rualbanlo ngei mi panga a ruatte, Members an ni ang:
    Hetih rual rual hian Sawrkar Laipuiin he clause anga mi a ruat chuan a tlem berah hmeichhe pakhat leh Scheduled Castes emaw, Scheduled Tribes emaw aiawh tur mi pkhat a ruat tel tur a ni.

(m) Sawrkar Laipuia Welfare Ministry hnuaia pianphunga rualbanlote hmakhua ngaihventu Joint Secretary hna chelh mek chu, Member Secretary (ex-officio) a ni ang.

(3) Lok Sabha emaw, Rajya Sabha Member emaw anih avangin Central Coordination Committee Pisa chuan he Committee Member a nihna hi a hnawl tur a ni lo.

4. Member Pisa chelh hun chhung :
(1) He Dan chhunga section 3-na sub-section (2) na a clause (i) leh (1) emaw anga Central Coordination Committee Member tura ruatte chuan ruat an nih ni atanga chhiara kum 3 (thum) chhung Pisa an chelh ang.
    Chutiang Member chuan amah thlaktu turin a Pisa a rawn chelh hma loh chuan a pisa chelh hun tawp mahse alo la chelh zui zel tur a ni.

(2) The term of office of an ex-officio Member shall come to an end as soon as he ceases to hold the the office by virtue of which he was so nominated.
(3) The Central Government may if it thinks fit remove any Member nominated under clause (i) or clause (1) of sub-section (2) of section 3, before the expiry of his term of office after giving him a reasonable opportunity of showing cause against the same.
(4) A member nominated under clause (i) or clause (1) of sub-section (2) of section 3 may at any time resign his office by writing under his hand, addressed to the Central Government and the seat of the said Member shall thereupon become vacant.
(5) Central Coordination Committee Member hmun ruak alo awm chuan Member tura ruat tharin chu hmunruak chu a luahkhat ang a, Member thar chuan Member bangta Pisa hunchhung chauh Pisa a chelh ang.
(6) Section 3-na sub-section (2) na a clause (i) emaw, (1) emaw anga ruat Member chu Member turin ruat leh theih a ni ang.
(7) Section 3-na sub-section (2) na a clause (i) emaw, (1) emaw anga ruat Member chuan Sawrkar Laipuiin a kawhhmuh ang ang hlawhpui leh a behbawm a dawng ang.

5. Member hnawlnate :
(1) Heng a hnuaia mite ang hi chu Central Co-ordination Committee ah an tel thei lovang:-
(a) Leiba nei thin emaw, engtik hun pawh a leiba lo nei tawh thin, leiba rul thei lova ngaih emaw, leiba rulh chhunzawm lo emaw, leibatnate nena kar thu leh hla awm emaw.
(b) nungchang lama sualna tawpkhawk ang chin a inkaihhnawih nia Sawrkar Laipuiin a ngaih ang chi sualna a thiamloh chantir emaw, chantir thin emaw te;
(c) rilru kimlo leh Court in rilru kim lova a puan emaw;
(d) he Dan bawhchhia emaw, engtik hun pawha lo bawhchhe thin a thiamloh chang emaw;
(e) Central Co-ordination Committee Member nihna chhunzawm avanga mipui vantlang tana tha lo tura Sawrkar Laipui a ngaih.

(2) Insawifiahna hun tha tawk pe hmasa lovin he Section huam chhuanga sawi member hi Sawrkar Laipuiin paihna thupek a siam tur a ni lo.

(3) Section 4-na sub-section (1) emaw, (6) anga dan bawhchhia a ban tawh hnu chu Member atana ruat leh theih a ni tawh lovang.

6. Member seat tih ruahna : Section 5-na a tling tawhlo chu Central Co-ordination Committee a Member nihna seat a ruakin a awm ang.

7. Central Co-ordination Committee thukhawmna : Central Co-ordination Committee chu a tlem berah thlaruk (6) danah an inhmukhawm thin ang a, Sawrkar Laipui kawhhmuh angin Dan in a sawi ang chi thil tula indawrna te an sawiho ang.

8. Central Co-ordination Committee in a tih tur te : 
(1) He dan in a a ruahman lawk angin Central Co-ordination Committee hmalak chu rampum huapa rualbanlote dinhmun chungchanga hmalak an harsatna tawh/ hmachhawnte tihkianna lama inhawnna alo thanchhoh zel dan tih awlsam a ni ang.
(2) A hranpa a thlur bing nei lovin Central Co-ordination Committee chuan a hnuaia mite hi a zavaiin emaw, a eng ber emaw a tih tur hi a thawk ang :-
(a) Sawrkar enkawl leh Sawrkar enkawl nilo pawl tena rualbanlote nena inkungkaih hnate an thawh zawng zawng ennawn leh thurualpui.
(b) rualbanloten harsatna an hmachhawn lam tinzawn zawnga ram rorel phung sukthlek/ her tir;
(c) rualbanlote nena inkungkaih ruahmanna, programme, dan siam leh tih tur duan lawkna lama Sawrkar Laipui thurawn pek.
(d) rualbanlote puala ramchhunga ruahmanna leh khawvel huapa tanpuitu pawlte leh ruahmanna leh programme hrang hrangte bawhzuia hmalak;
(e) tanpuitu pawl tena rualbanlote dinhmun an thlir dan atanga thawhlawm thawh dan tur an ruahmannate ennawn sak;
(f) puipunna, hnathawhna, vantlang kalkhawmna hmun, School leh zirna rualbanlote tih hlawhtlinna kawnga inkalhna awm thei fim taka chhuta zilhhauhna leh thurawn pek;
(h) Sawkar Laipuiin tih tur a kawhhmuhte anga thawh/ tih.

9. Central Executive Committee :
(1) He Danin hna a tukte thawk turin Sawrkar Laipui chuan Central Executive Committee a din ang.


(2) Central Executive Committee ah chuan heng a hnuaia mite hi an tel ang :-
(a) Sawrkar Laipuia Ministry of Welfare Secretary chu, Chairperson (ex-officio) a ni ang;
(b) Chief Commissioner chu member, (ec-officio) a ni ang.
(c) Health Service Director General chu Member, (ex-officio) a ni ang.
(d) Employment and Training Director General chu, Member (ex-officio) a ni ang.
(e) Ministry te emaw, Rural Development, Education, Welfare, Personnel Public Grievances and Pension and Urban Affairs and Employment, Science and Technology te aiawh, India Sawrkara Joint Secretary aia hniam lo mi 6 te chu Member (ex-officio) an ni ang.
(f) Sawrkar Laipuia Ministry of Welfare a Financial Advisor chu Member, (ex-officio) a ni ang.
(g) Advisor (tariff) Railway Board chu, Member (ex-officio) a ni ang.
(h) Sawrkar Laipuiin a kawhhmuh angin State leh Union Territory te aiawh tur a inthlak kual tura a ruatte.
(i) Sawrkar Laipuiin a ngaih pawimawh zawngte aiawh tura a ruat mi pakhat chu Member a ni ang.
(j) Sawrkar enkawl nilo, rualbanlote nena inkaihhnawih pawlte aiawhtu tur, rualbanlohna chikhat atangin mi pakhat zel la in, a theih chin chin rualbanlo ngei mi 5 a ruatte chu Members an ni ang.
    Hetih rual rual hian Sawrkar Laipuiin hmeichhe pakhat leh Scheduled Castes emaw, Scheduled Tribes zinga mi pakhat a ruat tel ve tur a ni.
(k) India Sawrkar Ministry of Welfare hnuaia rualbanlote hmakhua ngaihventu Joint Secretary chu Member Secretary (ex-officio) a ni ang.

(3) Sub-section (2) clause (i) leh (j) na anga Member ruatte chuan Sawrkar Laipuiin a tih zat ang hlawhpui leh a behbawmte an dawng ang.

(4) Sub-section (2) clause (i) leh (j) na anga ruat Member chuan a duh hun hunah ama kut chhuak ngeiin Sawrkar Laipuiah banna a thehlut thei ang a, chuta tang chuan a seat chu seat ruak a lo ni ang.

10. Central Executive Committee in a tih turte :
(1) Central Executive Committee chu Central Co-ordination Committee hmalatu a ni ang a, Central Co-ordination Committee thutlukna tih hlawhtlin kawngah mawhphurhna a la ang.
(2) Central Executive Committee chuan sub-section (1) na sawi chauh thlur bing lovin, Central Co-ordination Committee ina hnathawh tur a tukte pawh a thawk tur a ni.

11. Central Executive Committee thutkhawmna te : Central Executive Committee chu a tlem berah thla 3 danah an inhmukhawm ang a, Sawrkar Laipuiin a kawhhmuh angin in dawrtawnna dan phung leh kal hmangte chu a zawm zel ang.

12. Central Executive Committee hna bik thila hun reilote chhung midang a thawhpuina :
(1) He Dan chhunga tih tur reng reng tihna kawnga Sawrkar Laipuiin thurawn petu emaw, tanpuitu tura a beisei chu Central Executive Committee hian a thurualpui tur a ni.
(2) Sub-section 1-na in a sawi mi tupawh Central Executive Committee om a thawhpui chuan an committee thusawiho naah a tel ve thei ang a, mahse vote a nei lovang; a tel theihna chhan thupui ni lo thupui dang an relnaah Member a ni thei lovang.
(3) Section 1 in a sawi ang mi hian Sawrkar Laipuiin a kawhhmuh ang, eng hna emaw, Meeting emaw ah pawh a tel vena apiangah hlawh pek a ni ang.