13. State Coordination Committee : 
(1) State Sawrkar chuan hriattirna thuchhuah siamin he Dan anga thuneihna hmang tur leh a hna tukte thawk turin State Coordination Committee a din ang.


(2) State Coordination Committee ah chuan heng a hnuaia mite hi an tel ang: -
(a) State Sawrkar a Social Welfare Minister chu Chairperson (ex-officio) a ni ang.
(b) State Sawrkar a Social Welfare Minister of State chu Vice Chairperson (ex-officio) a ni ang.
(c) State Sawrkar a Social Welfare, Education, Woman & Child Development, Expenditure, Pesonnel Training and Public Grievances, Health, Rural Development, Industrial Development, Urban Affairs and Employment, Science and Technology, Public Enterprise, eng Department hming pawha koh lo ni ta pawh nise heng Secretary te hi Member (ex-officio) an ni ang.
(d) State Sawrkarin a tula a ngaih Department Secretary chu Member (ex-officio) a ni ang.
(e) Bureau of Pubic Enterprise eng hming pawha koh lo nise, Member (ex-officio) a ni ang.
(f) Sawrkar enkawl ni lo rualbanlote nena inkaihhnawih pawlte aiawhtu turin rualbanlohna chi khat atangin mi pakhat zel lain, a theih ang chin chin rualbanlo mi ngei mi 5 ruatte chu Members an ni ang.
    Hetih rual rual hian he clause in a sawi anga a ruat laiin State Sawrkar chuan hmeichhe pakhat leh Scheduled  Castes leh Scheduled Tribes aiawhtu mi pakhat a ruat tel tur a ni.
(g) State Legislative Member pathum, heng zinga pahnih te hi Legislative Assembly thlan an ni tur a ni a, Legislative Council thlan mi pakhat nen Members an ni ang.
(h) Agriculture emaw, Industry emaw, Trade emaw, a dang State Sawrkar ina aiawhtu nei tura a gnaihte mi pathum (3) State Sawrkarin a ruat te, Member (ex-officio) an ni ang.
(i) Commissioner chu Member (ex-officio) a ni ang.
(j) State Sawrkara rualbanlote hmakhua ngaihventu Department Secretary chu Member Secretary (ex-officio) a ni ang.

(3) Union Territory atan leh Union Territory nena in kaihhnawih zawngin State Coordination Committee din tur a ni lova, Union Territory atana State Coordination hnathawktu te chu Central Coordination Committee in a thawk ang.
    Hetih rual rual hian Sawrkar Laipuiin a ruat mimal emaw, a huho emaw in Union Territory nena inkungkaih thila thuneihna te chu neiin tih turte chu an ti ang.

14. Memberte Pisa chelh hun chhung leh an hna dinhmunte :
(1) He Dan section 13-na sub-section (2) clause (f) leh (h) anga State Coordination Committee Member tura a ruatte chuan Member tura ruat a nih ni atanga chhiara kum 3 chhung pisa a chelh ang.
    Hetih rual rual hian amah thlaktu turin a Pisa a rawn chelh hma loh chuan ama hun tawp tawh mahse a hna ala chelh zui zel tur a ni.

(2) Ex-officio Member chuan Member a nihna chhan a Sawrkar hna a chawlhsan rual rualin ex-officio Member nihna pawh a chawlhsan ve ang.

(3) Section 13-na sub-section (2) clause (f) leh (h) anga ruat Member tupawh State Sawrkarin a chhan tling tawka a ngaih chuan a Pisa hun chhung ral hmain insawifiahna hun remchang tawk a pek hnuah Member a nihna a paihsak thei ang.

(4) Section 13-na sub-section (2) clause (f) leh (h) anga ruat Member chuan ama kut chhuak ngeiin State Sawrkarah eng hunah pawh banna a thehlut thei ang a, chuta tang chuan a Member seat a ruak nghal ang.

(5) Hun lailawkah State Coordination Committee Member seat ruak alo awm chuan Member atana ruat tharin chu sear ruak chu a hnawh khat ang a, chu Member thar chuan Member bangta Pisa hun chhung chauh Pisa a chelh thei ang.

(6) Section 13-na sub-section (2) clause (f) leh (h) anga ruat Member chu ruat nawn leh theih a ni ang.

(7) Section 13-na sub-section (2) clause (f) leh (h) anga ruat Member chuan State Sawrkarin a kawhhmuh ang ang hlawhpui leh a behbawmte (allowances) an dawng ang.

15. Member hnawlnate
(1) Heng a hnuaia mite ang hi tumah State Coordination Committee ah an tel thei lovang :-
(a) leiba nei mek emaw, engtik hun pawh a leiba lo nei thin tawh, leiba rul thei lova ngaih emaw, leiba rul chhunzawm lo emaw, leibatnate nena kar thu leh hla awm emaw;
(b) rilru kimlo leh Court in rilru kim lova a puan emaw;
(c) nungchang lama sualna tawp khawk nena inkaihhnawih nia State Sawrkarin a ngaih ang chi sualna a thiamloh chang emaw, chang tawh thin emaw;
(d) he Dan bawhchhiatna emaw, engtik hunah pawh lo bawhchhiatna emaw ang anga thiamloh chang emaw, chang tawh thin emaw;
(e) State Committee Member nihna a chhunzawm zel chuan mipui vantlang tana thalo tura State Sawrkarin a ngaih

(2) He section a Member ang hi in sawifiahna hun tha tawk pe hmasa lovin State Sawrkarin paihna thupek a siam tur a ni lo.

(3) Section 14-na sub-section (4) leh (6) anga Member paih tawh chu Memberah ruat leh theih a ni tawh lovang.

16. Member seat tih ruahna : Section 15-na anga Member tling tawh lo seat chu a ruak ang.

17. State Coordination Committee thutkhawmna : State Coordination Committee chu a tlem berah thla 6 danah an inhmukhawm thin ang a, Dan in a sawi ang chi thil tula indawrnate chu State Sawrkarin a kawhhmuh angin an sawiho ang.

18. Functions of the State Coordination Committee
(1) He Dan in a ruahman lawk angin State Coordination Committee tih tur chu State pum huapa rualbanlote din hmun chungchanga hmalak leh an harsatna tawhte tihkianna lama inhawnna alo than chhoh zel dan tih awlsam a ni ang.

(2) A bikin a hmasa lama tih tur tlangpui kha thlurbing lovin State Coordination Committee chuan heng a hnuaia mite hi a vaiin emaw, a eng emaw ber hi State chhungah alo thawk thei ang:-
(a) Sawrkar department zawng zawng leh Sawrkar enkawl nilo pawl tena rualbanlote nena inkaihhnawih/ inkungkaih hnate ennawn leh thurualpui.
(b) rualbanloten harsatna an hmachhawn tinzawn zawnga ram rorel phung sukthlek tir
(c) rualbanlote nena inkungkaih ruahmanna, programme, dan siam leh project siamna lama hmalak turte State thurawn pek.
(d) tanpuitu pawl tena rualbanlo dinhmun an thlir dan atanga thawhlawm thawh dan tur an ruahmannate ennawn sak.
(e) puipunna, hnathawhna, vantlang kalkhawmna, sikul leh zirna hmun dangte chu rualbanlote tana daidanna awmlohna hmuna siamna tura hmalakna hrang hrangte neih.
(f) rualbanloten mi pangngaite anga an khawsak theihna tura ruahmanna leh hmalakna tihhlawhtlin kawnga inkalhna an neih thulh a zilh hau leh ngun taka chhutpui.
(g) State Sawrkarin tih tur a kawhhmuhte thawh.

19. State Executive Committee
(1) He Dan in thawk tura a tihte thawk turin State Sawrkar chuan State Executive Committee a din ang.


(2) State Executive Committee ah chuan hengte hi an tel ang :
(a) Social Welfare Department Secretary chu Chairperson (ex-officio) a ni ang.
(b) Commissioner chu Member (ex-officio) a ni ang.
(c) Heng Department te aiawhtu turin mi 9 (pakua) Joint Secretary aia hniam lo Health, Finance, Rural Development, Education, Welfare, Personnel Public Grievances, Urban Affairs, Labour and Employment, Science & Technology te chu members (ex-officio) an ni ang.
(d) State Sawrkar in aiawhtu ni tlaka a ngaihte aiawhtu tur mi 4 State Sawrkar ruatte chu members (ex-officio) an ni ang.
(e) Sawrkar enkawlna hnuaia mi ni lo rualbanlote puala pawl siamte aiawhtu tur, a theih chuan rualbanlo hlir mi 5 State Sawrkarin a ruatte chu, Members an ni ang.
    Hetih rual rual hian State Sawrkar chuan hmeichhia pakhat leh Scheduled Castes emaw Scheduled Tribes emaw te aiawhtu tur mi pakhat a ruat tel ve tur a ni.
(f) State Sawrkara Ministry of Welfare hnuaia rualbanlote ngaihventu Joint Secretary chu Member enkawltu Secretary (ex-officio) a ni ang.
(g) Sub-section (2) na clause (d) leh clause (e) in a sawi anga member ruatte chuan State Sawrkar in a pek ang ang hlawh leh a behbawm te an hlawh ang.
(h) Clause (d) leh clause (c) in a a sawi anga a ruat Member chuan a duh hun hunah ama kutchhuak ngeiin State Sawrkarah a banna thu a thehlut thei ang a, chuta tang chuan a hmun chu hmunruak a lo ni ang.

20. State Executive in a tih turte
(1) State Executive Committee State Coordination Committee hmala tu pawl a ni ang a, State Coordination Committee thu tlukna tihlawhtling turin mawhphurhna ala tur a ni.
(2) Sub-section (1) in a sawi chauh hi thlur bing lovin State Executive Committee chuan State Coordination Committee in ti tura a tih dangte pawh a ti bawk tur a ni.

21. State Executive Committee thutkhawm nate : State Executive Committee chu a tlem berah thla 3 danah an inhmukhawm ang a, State Sawrkarin tihdan tur a kawhhmuh angin in dawr tawnna danphung leh kal hmangte chu a zawm ang.

22. State Executive Committee in hna bik thil a hun reilote chhung midang a thawhpuina
(1) Hemi dan huam chhunga tih tura engpawh tihna kawngah State Sawrkarin a thurawn pe tura a beisei emaw tanpuitu emaw chu hemi atan leh a tih dan tur phungah State Executive Committee chuan a thurualpui tur a ni.
(2) Section (1) in a a sawi mi tupawh State Executive Committee in a thawhpui chuan State Executive Committee thurelna ah a telve thei ang a, mahse a telve theihna chhan ni lo thupui dang relnaah member a ni thei lovang.
(3) State Sawrkarin a kawhhmuh ang ang eng hna emaw eng meetingah emaw a tel vena apiangah hlawh (fees and allowances) pek a  ni ang.

23. Thupek siam theihna thuneihna : He dan huam chhunga hna a thawhin:-
(a) Central Sawrkar thuchhuakin a tih tur a tukna chuan Central Coordination Committee chu a phuar ang.
(b) Central Coordination Committee emaw State Sawrkar thuchhuak in a tih tur a tukna chuan State Coordination Committee chu a phuar ang.
    Hetih rual rual hian State Sawrkarin tih tur a tukna chu Central Coordination Committee in tihtur a tuk nen a inmil loh chuan chu thu chu Central Sawrkarin thutlukna a siamna turin Central Sawrkarah thlen tur a ni.

24. Seat ruaka awmin hmalakna a tikhaihlak lo : Central Coordination Committee emaw Central Executive Committee, State Coordination Committee emaw State Executive Committee thil tih emaw hmalakna chu heng Committee te din dan phung felhlelhna emaw hmunruak a awm vang maiin zawhfiah emaw tih khaihlak tur a ni lovang.