48. Chik taka zirna (research) : Sawrkar thuneitu leh tualchhung thuneitute chuan thil dang zinga a hnuaia tarlante chungchangte hi hriatfiah tuma chik taka zirna (research) lamah bultumin an tihmasawn tur a ni:
(a) rualbanlohna lo awm thei atanga invenna
(b) khawtlang kuta innghat chi chhawmdawlna huam telin chhawmdawlna
(c) khawtlang rilru sukthlek dan zia tela tanpuitu hmarua te leh hmasawnna
(d) hna zawn chhuah
(e) pisa leh thil siamchhuahna hmun (factories) te siam danglam hretna te.
49. Chik taka zirna turin zirna hmun sangah te sum leh pai pek : A hranpa a rualbanlote zirna (special education) chhawmdawlna leh hnathawktute hmasawnna chungchang chik taka zirna (research) bei turin Sawrkar thuneitute chuan Universities (zirna sang hmun dang) eizawnna atana bei pawlho leh Sawrkar enkawlna hnuaia awm lo research zirna hmun leh pengte chu sum lama tanpuina a ngaihtuah sak ang.
