26. Sawrkar leh tualchhung thuneituten naupang rualbanlote zirna ngaihtuah sak
(a) rualbanlo naupang tawh phawt chu kum 18 a upa anih thlengin a zir theihna remchang tha tawkah a thlawna zirtirna an dawn tir ang.
(b) rualbanloten school pang ngaia an kal theihna tura intih puitlinna lamah hma la in an bei ang.
(c) ram chhung khawi hmun a mite pawhin a an chhawrbawk theih pianphunga rualbanlo naupangte tana a hranpaa Sawrkar emaw mimal emaw din ZIRNA HMUN a hlawhtlin theihna atana an bei ang.
(d) rualbanlote puala school dinte chu EIZAWNNA HNA zir theihna hmanrua chi hrang hrangin an thuam ang.
27. Sawrkar leh tualchhung thuneitu ten zirna pangngai ni lo ruahmanna siam : Sawrkar thuneitu leh tualchhung thuneitute chuan heng a hnuaia mite tan hian ruahmante siamin thuchhuah a siam ang:-
(a) School nun pangngaia zir zawm thei tawh lo pawl nga pass chin rualbanlote puala hunkhaihlak zirna (part time class) siam sak.
(b) Kum 16 chin chunglam tana a hranpaa PART TIME CLASS siam.
(c) thingtlang khaw lama mi remchang inzirna (training) pek tawhte hmanga zirna pang ngai ang ni lova zirtirna pek
(d) Open school leh Open Universities hmanga zirtirna pek
(e) Electronic emaw hmanraw dang hmanga class neih tir leh
(f) Naupang pianphunga rualbanlo tana a thlawna zirlai bu leh a zirna tura hmanraw mamawhte pek
28. Tanpuitu hmanraw thar zawn chhuahna (research): Sawrkar thuneitu chuan rualbanlote zirna tanpuitu hmanruate, zirtirna hmanrua danglam bik emaw rualbanlo naupangin mi pangngai te nena ang khata zirna alo dawnsawn ve theihna atan mamawhte zawnchhuahna ah a bul a tumsak in emaw, sawrkar mi leh sa emaw, sawrkar mi leh sa ni lo pawlten an zawnchhuahna turin a bei ang.
29. Sawrkarin rualbanlote zirtirtu training na siam : Rualbanlote zirtirtu tur mi tam tawk an awm theih nan sawrkar thuneitute chuan zirtirtute inzirna (training) hmun tam tawk hawngin leh ram pum huap zirna hmunte leh tlawmngai pawlte a tanpui tur a ni.
30. Sawrkarin thiam taka zirtirna ruahmanna siam : Ruahman lawknate thlurbing lovin heng a hnuaia mite ti thei turi hian thuneitute chuan thuchhuah an siam tur a ni:
(a) rualbanlo naupangten school an kal theihna turin an kal vel awlsam nan (transport facilities) ngaihtuah sak emaw an Nu leh Pa te emaw an Nu leh Pa aiawhtute (guardians) hnena sum dah.
(b) Eizawnna tur lam a hranpa a inzirna (Vocational Training) pekna school, College leh zirna hmun dangah te rualbanlote tana daidanna awm thin tih bo.
(c) Rualbanlo zirlaite hnena lehkhabu leh Uniforms (school naupang fawm) leh tul dang te pek.
(d) Rualbanlo zirlaite hnena Scholarship pek
(e) an fate dahna chungchanga rualbanlo nu leh pa ten an lungnihlohna an thlenna tur hmun remchang siam
(f) Mitdelte leh Mit thalo ten an chhawr theih turin chhiarkawp hlir awm chi zawhna tih tawpa tih dan danga siam that.
(g) rualbanlote chhawr theih zawnga ZIRLAI BU te siam that.
(h) ri hriatna thalo tena an chhawr theih zawnga tawng chikhat chauhva ZIRLAIBU TE siam that.
31. Zirna hmuntin in Mitdel/ Mit thalo te tana ziak saktu ngaihtuah Sawrkarin thiam taka zirtirna ruahmanna : Zirna hmun zawng zawng in Mitdel leh Mit thalote tan ziahsaktu an nei vek tur a ni.
