32. Rualbanlo ten hna hauhsak theih zawn chhuahna
(a) rualbanlote puala hauhsak theih tur Sawrkar hnate a zawng chhuak tur a ni.
(b) Kum 3 aia tam lo hunbi neiin he hun bi ah hian khawl lam thil a hmasawnna ngaih pawimawh bakah hna awl emaw remchang an zawnchhuah te chu list siam chhuakin rualbanlote khawl hmanga ei an zawn theihna turin kawng an dap sak tur a ni.
33. Hna hauhna : Sawrkar a thuneitu chuan rualbanlote pualin hnaruak za zela pathum (3%) aia tlemlo a huahsak ang a, chung hnaruakte chu heng a hnuaia tarlan ang hian rualbanlote hian pakhat theuhin an chang ang :
(i) Mitdel emaw, Mit tha lo;
(ii) Ri hriatna tha lo;
(iii) Chevel thei lo.
Hetih rual rual hian an department hnathawh dan phungin a zirlo anih chuan thuneituin thuchhuah siamin chutiang department chu a huam ve loh thu an hriattir ang.
34. Special Employment Exchange :
(1) Sawrkar thuneitu chuan department tin hotute hnenah an department theuhah rualbanlote tana hnaruak awm thei emaw lo awm tur emaw te chu Special Employment Exchange ah a ni an bithliah ah thehluh turin lehkhain a hriattir tur a ni.
(2) Hetianga thehluh dan tur phung hi kimchang taka siam tur a ni a, Sawrkar kawhhmuh ang ang a tih tur a ni.
35. Eng Department ah pawh record leh document te endik theihna thuneihna : Special Employment Exchange in ziaka thuneihna a pek mi tupawhin Office hun chhungin eng department ah pawh lutin thil hriat fiahna turin a hriatduh lam thil nena inkungkaih leh a awm ngeia a rin thilah chuan department thil chhinchhiahna Bu emaw lehkha pawimawh (record/ document) emaw endik sakin emaw chutiang record emaw document copy te chu la in emaw zawhnate a zawt thei ang.
36. Hnaruak humhalh dan danglam : Eng hna pawh lak hunah, section 33-na in a huam ang hnaruak pawh aluhkhattu tur rualbanlo an awm loh emaw chhan tha tawk avanga luahkhah loh anih chuan, chu a hnaruak chu a kum leh atana dah a ni ang a, a kum lehah pawh rualbanlo luahkhattu tur an la awm loh leh cheu chuan section 33 a rualbanloh dan inanglo chi thum ten chumi kumah chuan inthlak thlengin an luah khat ang a, chuti chung pawha chumi kuma a tu a te mahinluah ala rem loh leh chuan chhawrtu tur chuan rualbanlo ni lo midang a ruat chauh tur a ni.
37. Hnathawktu te chhinchhiahna bu siam :
(1) Sawrkar thuneituin tihdan tur a kawhhmuh ang angin department hotuin a department hnuaia thawk rualbanlote tan a hranpain Record a siam ang.
(2) The records maintained under sub-section (1) shall be open to inspection at all reasonable hours by such persons as may be authorised in this behalf by general or special order by the appropriate Government.
38. Rualbanlote hna hmuh ngeina tur ruahmanna:
(1) Sawrkar thuneitu chuan rualbanloten hna an hmuh ngei theihna tura ruahmanna te a siam ang a, chung ruahmannate chu hengte hi a ngaihtuah sak tur a ni:
(a) rualbanlote thiam zirna (training) leh hmakhaw thatna
(b) kum upat lama bithliahna a ngaihnathiamna
(c) Hna chuktuah remna
(d) hriselna leh himna kawnga hmalak te leh rualbanlote thawhna hmun chu tlinglo bik awm lohna hmun a siam hna te.
(e) heng ruahmanna senso rul turte leh an rulh dan tur te
(f) ruahmanna enkawlna a mawhphur tur thuneitu siamna
39. Zirna hmun tinin rualbanlote pual a seat dah : Sawrkar hnuaia zirna hmunte leh sawrkar tanpuina dawng zawng zawng ten rualbanlote pual in seat za zela pathum (3%) aia tlem lo an dah tur a ni.
40. Retheihna umbona tura ruahmanna 3% hauhsak : Sawrkar leh tualchhung thuneitu ten retheihna umbona ruahmanna thil reng rengah rualbanlote chanpual 3% aia tlem lo an dah tur a ni.
41. Incentives to employers to ensure 5% of the work force is composed of persons with disabilities : A tlem berah 5% hnathawktute zinga rualbanlo an tel theih ngeina turin sawrkar leh tualchhung thuneitute chuan an sum dinhmun phak tawk ang in hnathawhna hotute chu sum an ngaihtuah sak tur a ni.
