Awareness campaign

39. (1) Sorkar chuan Chief Commissioner emaw State Commissioner remtihna la hmasa in mipuite hnenah Rualbanlote dikna chanvo neih te zirchianna atan campaign a buatsaih in, heng an dikna chanvo te hi humhalh sak an nih theih nan hma an la tur a ni.

(2) sub-section (1) in a tarlan angin, heng campaign te hian ;

(a) anmahni huapzo a hlutna, dawhtheihna neih a tulna, khawngaihna leh an nihna an gang zah sak a tulna a keng chhuak tur a ni a,

(b) an thiamna neih hriatpui a, an tangkaina hmuh sak a, an hnathawhna hmun leh eizawnna hmun alo hlawk zawk theihna tur a chhawr man pek te,

(c) chhungkaw nun hona kawngah, in laichinna thuah, naupang enkawlna kawngah Rualbanlote duhdan leh ngaihdan zah sakna leh dah pawimawhna.

(d) School, College, University leh zirna hmun tinah Rualbanlo chungchang, an dikna chanvo neih te zirtirna pek thin.

(e) Midang hnathawk a chhawrtu, hnathawkte viltu bik leh an thawhpuite zinga Rualbanlo chungchang zir hona leh thuk zawka zirchianna neih thin.

(f) University, colleges leh school zirlaibu ah Rualbanlote dikna chanvo neih te telh anih ngei theihna atana hmalak.

Accessibility

40. Sorkar laipui chuan Chief Commissioner emaw State Commissioner rawn chungin thingtlang leh khawpui a Rualbanlote enkawlna tur bik dan a duang chhuak anga, chungah chuan an chet vel zung zung theihna atana hmun hma siamsak, inbiak pawhna hmanrua tih changtlun, tunlai thiamna hmanrua an hman theih tura siam sak leh an mamawh ang pekte a huam ang.

Access to transportation

41. (1) Sorkar in anmahni mil tur thil a chhawpchhuah sak tur te;

(a) Bus stand, rail station tin leh airport tin ah te Rualbanlote tan a parking na hmun tur, toilet hranpa, ticket counter hran leh khawl an hman tur bik.

(b) inkalpawhna hmanrua hman thin an tana hman ve theih tura siam that bakah, anmahni tana him leh senso tlem an ni tur a ni.

(c) an chetvelna hmanrua hmanga an hman ve theih tura kawngpui siam.

(2) Sorkar chuan Rualbanloten an chetvelna tur atana hmanrua an mamawhte man tlawm zawka an neih theihna turin schemes leh programme a siam tur a ni a, chung chuan hengte hi a huam ang;

(a) lawmman leh man hniam a pek,

(b) motor siam danglam,

(c) mimal an chet zung zung theihna tura tanpuina.

Access to information and communication technology

42. Sorkar chuan hemi kawnga hlawhtlin nan hetiang hian hma a la tur a ni;

(i) audio, print leh electronic media Rualbanlote hman theih tur a siam danglam,

(ii) Rualbanloten electronic media an hriatthiam leh hman ve theihna tura audio leh sign language hmanga hrilhfiahna pek,

(iii) mitin in ni tin a kan mamawh electronic hmanrua zawng zawngah mitin hriatthiam theih tura universal design hman.

Consumer goods

43. Sorkar chuan Rualbanloten an hman tangkai ve ngei theih nan thilsiam chhuah ah universal design hman a tulna a ngai pawimawhin a tilar tur a ni.

Mandatory observance of accessibility norms

44. (1) Pawl inbun nghet tupawhin building a sak dawnin Sorkar laipui dan section 40-na in a phût ang dan te, plan ah a tel loh chuan phalna pek an ni lovang.

(2) Sorkar laipui duhdan zawm lova building sa, eng pawl hnenah mah completion certificate leh luah phalna pek tur a ni lo.

Time limit for making existing infrastructure and premises accessible and action for that purpose

45.(1) Sorkar building neihsa te chuan Sorkar laipui duhdan a an buildingte siamrem nan he dan hman anih atanga kum 5 thleng hun pek an ni.

Sorkar Laipui chuan he hun pawhsei theihna hi State sorkar hnenah an inrin dan tawk ang zelin a pe thei ang.

(2) Sorkar leh local authority te chuan heng thil hi an ngai pawimawhin sorkar building an neih sa primary health centre te, civil hospital te, rail station leh bus stop te an siam danglam nghal tur a ni.

Time limit for accessibility by service providers

46. Mipuite mamawh petu tupawh Sorkar emaw private emaw pawh ni sela, Sorkar Laipui dan section 40-na tlawhchhannin he dan hman anih atanga kum 2 chhungin hma an la ngei tur a ni.

Sorkar laipui chuan Chief Commission rawn chungin a tulbikte hnenah he insiam thatna hun hi a pawtsei thei ang.

Human resources development

47. (1) Rehabilitation Council of India Act, 1992 in thuneihna a pek Rehabilitation Council of India te ring mai lovin, Sorkar chuan mihring a theihna awm hman tangkai theihna tur a ngai pawimawh tur a ni a, chu chuan a hnuaia tarlante hi thlen tir ngei a tum tur a ni;

(a) Panchayati Raj member te, legislatorte, administrator te, police officer te, judges leh lawyer ho hnenah mathei lovin Rualbanlo chungchangah training a pe tur a ni.

(b) Disability chungchang a zirtirna school, college leh university a zirtirtu zawng zawngte, doctors, nurses, para-medical personnel, social welfare officers, rural development officers, ASHA workers, anganwadi workers, engineers, architechs leh eizawnna puitling neite and vantlang tana thawktute hnenah an pe tur a ni.

(c) Rualbanlote hmasawnna atana capacity building programme an kalpui in anmahni chenpuitute, thenawm khawvengte leh tanpuina pechhuak thintu pawlte hnenah training an an buatsaih tur a ni.

(d) Rualbanlote tan bik mipui vantlang zinga nunho dan tha leh inkungkaihna tha siam thei turin training an buatsaih tir a ni.

(e) Sports lam zirtirtu hnenah sports, games leh adventure lama Rualbanlote an tel theih nan a zirtirna pek.

(f) training dang Rualbanlote tanpui theitu tur apiang kalpui.

(2) Universities zawng zawngten disability chungchang zirctirna leh research an kalpui rualin study centre hrang pawh an din thei ang.

(3) sub-section (1) in a tarlan tih hlawhtlin nan Sorkar chuan kum nga dan zelah zirchianna a nei tur a ni a, chumi hmang chuan plan siam thar in thawktu thar lak te, sensitization, orientation leh training te pe chhuak tura mawhphurhna la tur mi a ruat thar thei ang.

Social audit

48. Sorkar chuan social audit kalpuiin Rualbanlote tana schemes leh programme zawng zawngte anih dan tura hman anih leh nih loh te, chungte chuan a \ha lo zawngin Rualbanlote chungah harsatna thlen a nei em tih te an chhui chiang anga, an mamawh leh \ul bik thil te an hrechhuak tur a ni.