44. Veivahna a enhran lohna : Transport Department chuan an hmasawnna leh an sum dinhmun phak tawk angin rualbanlote chhawrbawk turin heng a hnuaia tarlante atan hian ruahmanna a siam tur a ni:
(a) heng mite tana awlsam turin Rel, Bus, Lawng leh Thlawhtheihna panna siam rem
(b) Rel, Lawng, Thlawhtheihna leh innghahna pindan (waiting room) a insil/ inchei/ inthiarna (toilet) te chu wheel chair hmang te tana hman awlsam tur a siam rem.
45. Kawnga enhran lohna : Sawrkar leh thuneitu te chuan an sum leh pai leh hmasawnna dinhmun phak tawkin heng a hnuaia mite hi an ngaihtuah sak ang :
(a) Vantlang kawngpui kan hlauhawm hun laia eng SEN (red signal) an dahna hmunah te Mit thalo te hriatthiam ve theih tur thil ri thei (auditory signal) dah.
(b) Ke a kalna dawhsana wheel chair hmangte lawn kai ve awlsamna siam
(c) Kawngpui kanna laia an kan ve theihna turin Mitdelte leh Mit thalo te tan kawngpui tan zawnga ker khuar tam tak siam sak te
(d) Rel chawlh hmuna mihring kalna dawhsan kotlangah te Mitdel leh Mit thalo te hman tur ker khuar siam te
(e) Rualbanlote hriatthiam ve theih tur chhinchhiahna hmun remchanga siam
(f) Hmun remchang ah te fimkhurna tur chhinchhiahna (warning signal) siam
46. Vantlang hmunah te enhran lohna : Sawrkar thuneitute leh tualchhung thuneituten an hmasawnna leh sumpai phak tawk angin hengte hi an ngaihtuah sak tur a ni:
(a) puipunna leh mipui vantlang chetvelna In (public building) ah te wheel chair hmang an kal ve theihna tura dawnsan euh euh (ramps) siam
(b) wheel chair hmangte tan inthiar/ insil/ incheina (toilet) dah leh siam
(c) In chawng sanga inkhai chhuk chhohna (elavator/ lift) ah te Mitdel te leh ri hre thei lote tan chhinchhiahna remchang (signal)
(d) Damdawi In, Primary Health Centre, Damdawia in enkawlna hmun te leh chhawmdawlna hmunah te wheel chair hmanga an kal ve theihna tura dawhsan euh euh (ramps) siam.
47. Sawrkar hna enhran lohna
(1) Eng department mahin a hnathawktu, a hun ala tawp hma a rualbanlova a awmin a ban emaw a nihna a dah hniam tur a ni lo.
Hetih rual rual hian eng hna mah a thawh theih tawh loh chuan hna a chhiar tel loh hmunah dahin a thawh theih ang ang hna a awm hun a nghak ang, anih loh pawhin a pension theih kum nghak a awmin emaw a awlsam zawk zawkah hian a awm ang.
(2) Pianphunga rualbanlohna avangin mi tumah a kaisanna tur dan bik tur a ni lo.
Hetih rual rual hian Sawrkar chuan eng department pawh, a hnathawh dan phunga zirin, he section in a phutna atangte hian a awltir (exempt) thei ang.
