50. Thuneitu : He Dan pual atan hian State Sawrkar chuan tling tawka a ngaih eng thuneitu pawh nise thuneitu atan a ruat ang.
51. Dan anga register lo chuan tuman rualbanlote zirna hmun din theih loh : Section 50-na in a sawi thuneituin Registration Certificate a pek ang dung zuia din a nih loh chuan mi tumahin rualbanlote zirna hmun a dah in emaw a enkawl tur a ni lo.
Hetih rual rual hian de Dan hman tan anih hma lawk atanga rualbanlote zirna hmun lo enkawltu chuan chu zirna hmun chu he Dan tan anih atanga thla 6 chhunga la enkawl zui thei ang a, he section a Certificate ang chi hi thla 6 hun chhung hian alo dil chuan chutiang dilna tih tawp thlengin a enkawl thei ang.
52. Certificate of Registration :
(1) Registration Certificate diltu chuan State Sawrkar in tihdan phung leh form a kawhhmuh ang thlapin thuneitu hnenah dilna a siam tur a ni.
(2) Sub-section (1) sawi ang dilna a hmuhin thuneitu chuan Dan in a mamawh a sawite leh tuldangte chik taka a enfiah hnua a lungawina tling tawk a tih chuan Certificate chu a pe ang a, a tling tawk lova a ngaih erawh chuan Certificate chu a pe lovang.
Hetih rual rual hian thuneitu in hetiang dilna a hnawl hmain State Sawrkarin a kawhhmuh ang zelin dilna hnawl a nih tur thute fel tawkin a hrilh hmasa vek tur a ni.
(3) State Sawrkar in a kawhhmuh ang thil tulte a neih a, State Sawrkarin a duh ang tehkhawng nei a, enkawl thei dinhmun a a din bawk loh chuan sub-section (2) na in a sawi ang dilna hi phalsak a ni lovang.
(4) He section a sawi anga Registration phalsak chu :-
(a) Section 53-na in a paihsak anih loh chuan Sawrkarin a duh ang chen chen chu Certificate chu a tinung ang.
(b) Certificate chu a hunte ah tih thar (renew) zel tur a ni ang.
(c) State Sawrkarin a kawhhmuh ang zelin a awm ang.
(5) Registration certificate tih thar (renew) tur reng reng chu a hun tawp hma ni 60 aia tlem lovah tih thar dilna thehluh tur a ni.
(6) Registration Certificate chu hmun langsar laiah tar tur a ni.
53. Certificate tih tawp sakna
(1) Thuneitu chuan ngun taka a enfiah hnu a, section (2) na in a sawi ang Registration Certificate neitu chuan heng a hnuaia mi hi a ti ngei nia a rin chuan a Certificate a tih tawp/ laksak/ lakir thei ang.
(a) Certificate dilna emaw tih tharna (renew) dilna emaw a bungrua (materials) chungchangah dil lova a ziah chuan, emaw
(b) Certificate pek chungchanga dan te (rules) bawhchhia emaw, inhawh chhiat tir emaw anih chuan;
Hetih rual rual hian Certificate chu lak kir sak anih lohna tur chhan hrilhfiahna hun remchang pek hmasak anih loh chuan he thupek hi siam loh tur a ni.
(2) Sub-section (1) in a sawi anga zirna hmun atana pek tawh Certificate lakkir sak an nih chuan lakkir ni atangin chu zirna hmun chuan hna an thawk tawh tur a ni lovang.
Hetih rual rual hian section 54-na dungzuia heng a hnuaia mi ang dinhmun a a awm chuan chu zirna hmun chuan a hnathawh a ti tawp tur a ni:-
(a) Ngenna thehluhna tur hun a tawp hun chiah a ngenna thehluh anih loh in emaw
(b) Ngenna pek theih ni atanga chtiang ngenna thehluh pawh nise lakkir sakna thupek kenkawh alo nih hman tawh chuan
(3) Certificate lakkir sakna, zirna hmuna rualbanlo awm apiang chu thuneitu chuan chumi chu :-
(a) A nu/ Pa enkawltu emaw dan anga humhalhtu (guardian) enkawlna hnuaia dah leh turin a kawhhmuh ang.
(b) thuneitu in a kawhhmuh ZIRNA hmun eng berah emaw sawnna tur a kawhhmuh ang.
(4) He section in a sawi ang a, Registration Certificate a lakkir sak zirna hmun tinin chutianga lakkir sak a nih veleh thuneitu hnenah chuan Certificate chu a pe kir leh nghal tur a ni.
54. Ngenna
(1) Thuneitu in Certificate pek emaw tih thar emaw a hnialna avanga na titu (ngaithiamlo) chuan State Sawrkarin hun akawhhmuh chhungin chu Sawrkarah chuan ngenna (appeal) a theh lut thei ang.
(2) Chutiang ngenna chungchanga State Sawrkar thuchhuak chu thutawp a ni ang.
55. Sawrkar Laipui leh State Sawrkarin a din zirna hmun Dan in a huam loh : Hemi Bung in a sawi reng reng hian zirna hmun Sawrkar Laipui emaw State Sawrkar emaw in a enkawlte a huam lovang.
