66. Sawrkar leh tualchhung thuneituin chhawmdawlna
(1) Sawrkar thuneitute leh tualchhung thuneitute chu an hmasawnna leh sum leh pai dinhmun ang zelin rualbanlote an chhawmdawl emaw an chhawmdawl tir ang.
(2) Sub-section (1) anga ti turin Sawrkar thuneitute leh tualchhung thuneituten Sawrkar enkawl ni lo, pawlte sum leh paiin an tanpui ang.
(3) Sawrkar thuneitute leh tualchhung thuneituten chhawmdawlna atana ruahmannate an sawiin rualbanlote tana thawk, sawrkar hnuaia mi nilo, pawlte an rawn ang.
67. Rualbanlo hnathawhna neite tan Insurance scheme
(1) Sawrkar thuneitute chuan Sawrkar hnuaia rualbanlo thawk laite pualin Insurance scheme (chhiat tawh palh thulha lukhawng nei tura pawisa dahkhamna) ziak a hriattirna in a siam ang.
(2) He sections a sawi lan loh ang hian Sawrkar thuneitu chuan Insurance scheme a siamah hetiang ang chi a hnathawktu rualbanlote tan ruahmanna dang a siam thei ang.
68. Hnathawhna neilote sum leh paia tanpuina : Sawrkar thuneitu chuan an sum leh pai dinhmun leh hmasawnna tawk chinah Special Employment Exchange a inziak lut kum hnih hnu pawh a hna pek theih lohva la awm rualbanlote tanpuina pekna tura ruahmanna thuchhuah an siam ang.
