Vocational training and self-employment
19. (1) Sorkar in a programme leh scheme siamah Rualbanloten mahni a eizawnna kawng an zawh theih nan loan a pung tlem thei ang ber in an pe chhuak thin tur a ni.
(2) sub-section (I) in a sawi angin chung schemes leh programme te chu;
(a) Rualbanlote huapzo zirna pangngai leh zirna pangngai lo kaltlang a skill training schemes leh programme an ni tur a ni.
(b) Rualbanloten anmamawh ang enkawlna leh hmanrua an dawng tur a ni.
(c) a mamawh bikte tan anmahni chauh huap training sumdawnna kawng nena inthlunzawm an buatsaih sak tur a ni.
(d) hriatthiamna nena anmahni khaichhuah nan loan bakah micro-finance thlengin an pe tur ni.
(e) Rualbanlote siamchhuah thil hralhchhuahna an ngaihtuah pui tur a ni a,
(f) Sorkar chuan training an pek chhuahte hmasawnna data a nei tur a ni.
Non-discrimination in employment
20. (1) Sorkar din office eng pawhin hnathawktu lak chungchang thuah Rualbanlo hnawl zawngin hma a la tur a ni lo.
Sorkar chuan a hna lak turah a hna a zira duhdan a nei anih chuan hriattirna chiangkuang tak a siam ngei ngei tur a ni.
(2) Sorkar hmun engpawhin mitin tana nuam taka an chet vel theihna turin ruahmanna a siam tur a ni a, Rualbanlote tana chet velna zalên leh nuam tak a siam tur a ni.
(3) Hna atanga kaisanna thuah pianphung a danglamna avangin harsatna a siam tur a ni lo.
(4) Sorkar department engmahin a hnathawk chhawrlai eng emaw vanga piansualna a chunga a thlen avangin a ban emaw a dinhmun a sawn hniam thei lovang.
Sorkar hnathawk mek laiin a hna chanpual chelh lai thawk chhunzawm thei tawh lo tur khawp a harsatna a nei anih pawhin a thawh theih awm tawk hna remchang awmna hmunah a sawn thei anga, chu chuan a hlawhah leh a service ah harsatna a thlen tur a ni lo.
(5) Sorkar in Rualbanlo a rawihte tan posting leh transfer chungchangah policy mumal tak a nei tur a ni.
Equal opportunity policy
21. (1) Hmun nghet taka inbun engpawhin inthliarna awmlo policy an kalpui tih hriattirna an chhuahin he chapter kaltlanga Sorkar laipui hriattirna an dawnte an ngai pawimawh tur a ni.
(2) Heng hmun inbun nghet ho reng reng chuan he notification an siam copy hi Chief Commission emaw State Commissioner hnenah an thawn tur a ni.
Maintenance of records
22.(1) Heng establishment reng reng hian Rualbanlo an chhawr zat, an mamawh an pek te leh anmahni an enkawl dan chhinchhiah theih zawng zawng he Chapter in a phut ang leh Sorkar laipuiin a beisei angin record fel tak an nei vek tur a ni.
(2) Employment Exchange zawng zawngten Rualbanlo hnazawng zawng zawng an chhinchhiah vek tur a ni.
(3) Heng record ho hi eng hunah pawh Sorkarin endik tura a ruatten an duh hun hunah an endik thei ang.
Appointment of Grievance Redressal Officer
23. (1) Section 19-na in a phût angin eng Sorkar establishment pawhin Grievance Redressal Officer a ruat tur a ni a. He appointment chungchang hi Chief Commissioner emaw State Commissioner hnenah a hriattir ngei tur a ni.
(2) Mi tupawn lungawi lohna a neih chuan section 20-in a phalsak angin Grievance Redressal Officer hnenah a complaint a thehlut thei in, chu chu rang taka bawhzuiin chutiang thil thleng siamthat hnathawh vat chu Grievance Redressal Officer mawhphurhna a ni.
(3) Sorkar laipuiin a beisei angin Grievance Redressal Officer chuan chung complaint thleng reng rengte chu fel takin a record tur a ni a. Heng complaint lut reng reng hi kar hnih chhungin a chhuizui ngei ngei tur a ni.
