57. Rualbanlote tana Chief Commissioner tur ruatna
(1) He dan pual bik atan hian Sawrkar Laipui in thuchhuah siamin Chief Commissioner a ruat ang.
(2) Chhawmdawlna chungchanga a hranpa a chiang taka hriatna nei mi emaw a taka lo tuara hrechiang hle tawh mi a nih loh chuan Chief Commissioner ni turin a tling lovang.
(3) Chief Commissioner hlawhpui leh a behbawm leh a hna dinhmun (pension-in a chhawm tel lawmman leh thilthawn pek huam telin) chu Central Sawrkarin a kawhhmuh ang ang a ni ang.
(4) Chief Commissioner in a tih tur pual, a tihna tur atan puitu a mamawh officer te leh hnathawktu dangte kalphung leh dinhmun te chu Sawrkar Laipuiin a siam fel ang a, chung officer te leh hnathawktu dangte chu a tha tawk a tih angin Chief Commissioner hnenah a pe ang.
(5) Chief Commissioner hnena pek officer te leh hnathawktu te chuan Chief Commissioner kaihhruai/ enkawlna hnuaiah hna an thawk ang.
(6) Chief Commissioner hnuaia officer te leh hnathawktute hlawh leh a behbawm te leh a hna dinhmun chu Sawrkar Laipui kawhhmuh ang ang a ni ang.
58. Chief Commissioner in a tih tur te : Chief Commissioner chuan :-
(a) Commissioner te hna a thurualpui tur a ni.
(b) Sawrkar Laipuiin tanpuina sum a sem chhuahte hman dan a enfel tur a ni.
(c) Rualbanlote hamthatna tur leh inhumhimna a ngaihtuah sak ang.
(d) Sawrkarin a kawhhmuh ang hunbi ah he Dan bawhzuia hmalakna chungchang Sawrkar Laipuiah a thehlut thin ang.
59. Chief Commissioner to look into complaints with respect ot deprivation of rights of persons with disabilties : Section 58-na in a sawi chauh thlurbing lova Chief Commissioner chuan ama thuin emaw lo ngaithiamlo tuarna deuhtu in a a ngenna in emaw anih loh leh a hnuaia tarlan te nena inkaihhnawih thila sawiselna te lo dawngsawngin thuneitute hnenah a thlen tur a ni.
(a) rualbanlote chanvo channa
(b) rualbanlote hmakhua leh venhimna atana Sawrkar leh tualchhung thuneitutena an siam emaw chauh emaw Dan, dan te sep leh inkhuahkhirhna te, inkaihhruaina te leh ti tura intluknate hman/ zawm loh na.
60. Rualbanlote puala Commissioner turte ruatna.
(1) He pual bik atan hian State tinin thuchhauh siamin Commissioner a ruat ang.
(2) Chhawmdawlna chungchanga a hranpa a chiang taka hriatna nei emaw a taka lo tuar lo hrechiang hle emaw a nih loh chuan Commissioner ni turin a tling lovang.
(3) Commissioner hlawhpui leh a behbawm te leh a hna dinhmunte pension in a chhawm tel lawmman leh thilpek te huam telin State Sawrkarin a kawhhmuh ang ang a ni ang.
(4) Commissioner in a tih tur pual a tihna tura tanpuitu tur a mamawh officer te leh hnathawktu dangte kalphung leh dinhmun te chu State Sawrkarin a siamfel ang a, chung officer te leh hnathawktu dangte chuan a tha tawk an tih angin Commisioner hnenah a pe ang.
(5) Commissioner hnuaia Officer te leh hnathawktu dangte chuan Commissioner kaihhruaina/ enkawlna hnuaiah hna an thawk ang.
(6) Commissioner hnuaia officer te leh hnathawktu hlawh leh a behbawm te leh an hna dinhmun te chu State Sawrkar kawhhmuh ang zel a ni ang.
61. Commissioner thuneihna : Commissioner chuan State chhungah :-
(a) rualbanlote hamthatna tur hmalakna ah State Sawrkara Department te a thurualpui tur a ni.
(b) State Sawrkarin tanpuina sum a semchhuah te hman dan a enfel tur a ni.
(c) rualbanlote chanvote leh remchanga hum turin hma a la ang.
(d) State Sawrkarin a bithliah hun ang zelah he Dan hmanga a hmalakna chungchang report State Sawrkarah a pe ang a, chumi copy chu Chief Commissioner hnenah a thawn zel bawk ang.
62. Commissioner in rualbanlote vuina dawnsawn : Section 61 chauh thlurbing lovin Commissioner chuan ama thuin emaw, vuivaina neitute ngenna in emaw a nih loh leh a hnuaia mite nena inkaihnawih thila vuivaina te lo dawnsawng in thuneitute nen an chingfel ang.
(a) rualbanlote chanvo channa
(b) rualbanlote hmakhua leh venhimna atana sawrkar leh tualchhung thuneitutena an siam a thuchhuah emaw, dan, dan te sep, inkaihhruaina leh tih tura intukna te hman lohna/ zawm lohna.
63. Authorities and Officers to have certain powers of civil court:
(1) He dan hnuaia hmalakna ah a hnuaia mi nena inkungkaih thil a inkhinna thubuai rel laiin Chief Commissioner leh Commissioner in Code of Civil Procedure, 1908 in Court hnena thuneihna a pek ang an nei ang.
(a) Thuhretu kohna leh kohluihna ah
(b) lehkha pawimawh zawn chhuahna leh phawrchhuahna ah
(c) Vantlang thil chhinchhiahna emaw a ziahchawnna emaw te chu khawi Court emaw khawi pisa atang pawh a ngen luihnaah.
(d) ziaka thutiamnate finfiahna lo dawn chhawn na ah leh
(e) thuhretute emaw lehkha pawimawhte endikna atana thuneihna inpekna ah.
(2) Chief Commissioner leh Commissioner hmaa thubuai putluhna reng reng chu Indian Penal Code, Section 193 leh 228 in a sawi huam chhung a mi, Dan anga thubuai putluhna a ni ang, Chief Commissioner/ Commissioner leh thuneitute chu Code of Criminal Procedure 1973 chapter XXVI leh Section 195 atan Civil Court a ngaih an ni ang.
64. Chief Commissioner in annual report buatsaih
(1) Central Sawrkarin a kawhhmuh angin Chief Commissioner chuan Financial Year kal ta hun chhung zawnga hnathawh zawng zawngte kim chang takin Annual Report siamin a copy chu Central Sawrkarah a thehlut thin ang.
(2) Sawrkar Laipuiin Loh Sabha leh Rajya Sabha hmaah Annual Report a pharh ang a, hemi rual hian Sawrkar Laipui nena inkaihhnawih thila hma a lo lak tawhte leh a hmalak tumte sawifiahna (recommendations) leh chungte chu a zavai emaw a then a zar pawm loh a lo nih emaw pawh a a chhan sawifiahna a thehlut tel tur a ni.
65. Commissioner in annual report buatsaih
(1) State Sawrkarin a kawhhmuh angin Commissioner chuan Financial Year ralta hun chhung zawnga a hnathawh zawng zawngte kimchang taka annual reports siamin a copy chu State Sawrkarah a thehlut thin ang.
(2) State Sawrkarin State Legislature hmaah annual report a pharh ang a, hemi rual hian State Sawrkar nena inkaihhnawih thila hma a lo lak tawhte leh a hmalak tumte sawifiahna leh, chungte chu a zavai emaw, a then a zar emaw te pawm loh a nih emaw pawha a chhan sawifiahna a thehlut tel tur a ni.
